Día de Rosalía de Castro

Día de Rosalía de Castro

Ola lectores! Hoxe vimos falar do Día de Rosalía.

Dende 2010 a AELG (Asociación de escritores en lingua galega) ven celebrando o día de Rosalía agasallando un libro e unha rosa e con múltiples eventos para conmemorar o nacemento de Rosalía de Castro.

 

Crecemos oíndo falar desta poetisa: Estudamos a súa vida, sen pararnos a pensar en que sentiu. Lemos os seus poemas cotando as súas sílabas e non lemos máis alo. Esquecemos que foi unha muller valente e forte. obviamos que decidiu escribir e asinar co seu nome, e todo o que iso significou na súa época.

 

Rosalia de Castro

A vida de Rosalía é unha historia realmente apaixonante, chea de interese histórico, cultural e intelectual. O seu relato é enteder desde a perpectiva dunha rapariga filla de nai solteira e fidalga as claves sociais do seu tempo; é asistir en primeira fila como moza, en Santiago, e en Madrid, a un proceso de formación rico e complexo; é seguirlle os pasos, en Vigo, na Coruña, en Lestrobe… á súa densa creación literaria e mais ao proxecto que acabou orixinando a Galicia dos nosos días. Hoxe as investigacións biográficas sobre a súa figura supuxeron claros avances no debuxo dos seus principais perfís. Aínda así, continúa a ser un reto estudala e explicala na súa totalidade e na súa complexidade.

Dende aquí convídavosnos a lera información que ten a Fundación Rosalía de Castro e a que ledes a esta poeta.

E como encántanos a poesía de Rosalía, Que tal se lemos algún poema seu?

Cando penso que te fuches,
negra sombra que me asombras,
ó pé dos meus cabezales
tornas facéndome mofa.

Cando maxino que es ida,
no mesmo sol te me amostras,
i eres a estrela que brila,
i eres o vento que zoa.

Si cantan, es ti que cantas,
si choran, es ti que choras,
i es o marmurio do río
i es a noite i es a aurora.

En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.

Follas novas (1880)

Este poema, coma moitos outros, ten versión musicalizada. Aquí tedes a versión de Luz Casal

Rosalía e o feminismo.

Considérase  que loitou moito a través da súa pluma para que a muller puidera ter liberdade e igualdade.

Se queredes saber máis sobre esta cara de Rosalía recomendamos que votedes unha ollada a esta novidade de Xerais.

Rosalía feminista

de Rosalía de Castro e Helena González Fernández.

portada

Sinopsis

A poesía de Rosalía de Castro agroma nun triángulo de furias: a reivindicación das mulleres; a meniña gaiteira que tatexa palabras inaugurais dunha nación non prevista; e a ira contra a precariedade, a compaixón polas persoas inocentes e tristes, a certeza da vulnerabilidade. Nese triángulo de furias afírmase a Rosalía feminista. Dálle voz á moza, á violada, á solteira, á vella, á nai obrigada a deixar o fillo só, ás mulleres confinadas entre o amor romántico e unha idea estreita de familia. Avisa dos perigos do gaiteiro da festa, do emigrante que non ha volver, da violencia do poder. Defende a xustiza pola man. E crea a viúva de vivo: esa muller soa, sen rostro, sen amor e tamén sen amo que resolve, como unha Penélope navegante, deixar de agardar.

 

Queremos rematar esta entrada animándovos a que agasalledes un libro, unha flor e que vos sumedes as actividades que ten a AELG no día de hoxe.

Cartel actibvidades

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.